‘n Hartlike Uitnodiging...

bind hulleself aan mekaar

des

21

om 17:00

Saterdag

2024

End Langenhoven Street, Riversdale, Meyerton, 1961

Ons het in ons eerstejaar by die NWU ontmoet in die chemie klas. Ek was in my hippie-fase, en Dewyk was van mening dat ek “interessant lyk”. Hy het langs my kom sit, en my ingelig dat my som se antwoord verkeerd was. Ek het hom gewys dat dit reg is.

Kort daarna het hy my gebel om te vra hoe drink ek my koffie. Die volgende oggend daag hy toe ‘n halfuur laat op vir klas. Ek was bekommerd dat hy dalk ‘n ongeluk met sy fiets gehad het. Die man het toe egter vol selfvertroue in die reeds in-sessie lesing ingestap – ‘n koffie in elke hand.

Die selfvertroue het vinnIg verdamp toe hy besef hy het die klastyd misreken…

Toe Covid tref, het ons na verskillende provinsies gegaan en ‘n jaar lank kontak gehou deur saam die aanlyn chemie module aan te pak. Teen die tyd dat almal kon terugkeer kampus toe, het hy oorgeskuif na die ingenieursfakulteit toe, en ons het geen meer klasse saam gehad nie.

My koshuiskamermaat was toevallig ‘n baie goeie hoërskoolvriendin van Dewyk, en dis Maryse wat ons onbedoeld weer in kontak gebring het. Ons het saam begin draf, en die vriendelike kompetisie wat ek met hom gehad het in chemie het oorgeskuif na die drafsessies toe. Ek was liederlik onfiks, maar het my bes gedoen om voor te gee dat ek eintlik gereeld op die pad is. Op die ou end hardloop ek toe die rook uit hom uit.

Dit het ons weeklikse roetine geraak, en die roete se eindpunt het sommer gou geskuif na sy woonstel toe, waar ons dan eers ‘n ruk sou kuier voordat ek teruggaan koshuis toe.

- Inge -

Vir ons eerste nie-amptelike date het ons saam na ‘n tweedehandse winkel toe gegaan, en toe ‘n koffie gaan drink by Recharge Coffee Shop in die ou Snowflake fabriek in Potch. Dis hier waar ek die eerste keer ‘n onontkenbare verliefdheid op haar gevoel het.

Tydens Canva het ons twee en ‘n paar van haar koshuisvriendinne laatnag die verfstukke gaan kyk in die amfi op kampus. Op die spesifieke aand het sy intussen egter besluit ek stel beslis nie belang nie en dat ek nie haar skimpe vang nie. As versagtende omstandighede kan ek sê haar “skimpe” was redelik onvoorspelbaar en onkonvensioneel.

Gewapen met hierdie mening en gemoedstoestand het sy die res van die aand ‘n punt daarvan gemaak om my te ignoreer. En, and I quote, “ek was die hele aand besig om ‘n strong, independent, crazy woman te wees”.

Die aand stuur ek toe vir haar ‘n boodskap dat ons die volgende dag moet praat.

Ek vra haar toe “Wat is ons?”, en of daar iets tussen ons is. Na ‘n hele lang oor-en-weerdery eindig die gesprek toe met ons wat vry op die grasperk agter die spinnekopgebou. Tydens die soen vra ek haar om offisieel my meisie te wees.

Ons gaan vir 2 jaar en 7 maande uit. Op 10 November 2024 gaan kyk ons die sonsopkoms by die dam op my voorstel. Inge het vir ons tee ingesit, en in die coolbag twee sjampanjeglase gesien! Dit was darem my woonstelmaat se sakkie, en ek kon sê die glase was sy en sy meisie s’n. Sy haal toe die glase uit die sakkie uit…

Ons het op die een ledge gesit by die dam en wag vir die sonsopkoms. Op die ledge langs ons het ‘n groep koshuismEisies musiek gesluister en ook gewag. Ek was gereeld op my foon besig om reëlings en kameramanne te korreleer. Na ‘n ruk staan ek op om “my bene te rek”.

Ek skarrel vir ‘n oomblik agter haar, gaan op een knie, en toe:

“Inge Strauss…?”

- Dewyk -

16:10

16:50

17:00

17:45 – 18:45

19:00

22:30

00:00

02:00

Die dag se

Skedule

Gaste arriveer & geniet verwelkomingsdrankies.

Gaste neem hul sitplekke in – Ommidraai Chapel

Seremonie begin

Bruidspaar neem foto’s en gaste geniet ligte versnaperinge

Toesprake, bedankings en onthaal

afsien van die bruidspaar

Musiek af. Gaste is welkom om verder te kuier om die boma

Venue sluit

Akkommodasie

Opsies

Druk asb op die “sien meer’ vir die akkommodasie se webblad

Belangrike

Inligting

R.S.V.P

31.08.2024